𝗙𝗶𝘁𝘀𝗶𝗿𝗶𝗵𝗮𝗻𝗮 𝗳𝗮𝗵𝗮𝗿𝗼𝗮 𝗙𝗘𝗖-𝗙𝗥𝗗 (2ème revue): 𝗡𝗮𝗵𝗮𝘇𝗼 𝗳𝗮𝗻𝗸𝗮𝘁𝗼𝗮𝘃𝗮𝗻𝗮 𝗮𝘃𝘆 𝗵𝗮𝘁𝗿𝗮𝗻𝘆.

Nahazo fankatoavana (𝗦𝘁𝗮𝗳𝗳 𝗟𝗲𝘃𝗲𝗹 𝗔𝗴𝗿𝗲𝗲𝗺𝗲𝗻𝘁) avy hatrany avy amin’ny Tahirim-bola Iraisam-pirenena (FMI) i Madagasikara taorin’ny iraka fitsirihana faharoa izao, araka ny fanambarana izany dia niarahan’ny 𝘔𝘪𝘯𝘪𝘴𝘪𝘵𝘳𝘺 𝘯𝘺 𝘛𝘰𝘯𝘵𝘰𝘭𝘰 𝘐𝘢𝘪𝘯𝘢𝘯𝘢 𝘴𝘺 𝘯𝘺 𝘍𝘢𝘯𝘥𝘳𝘰𝘴𝘰𝘢𝘯𝘢 𝘓𝘰𝘷𝘢𝘪𝘯𝘫𝘢𝘧𝘺, 𝘔𝘪𝘯𝘪𝘴𝘪𝘵𝘳𝘺 𝘯𝘺 𝘛𝘰𝘦𝘬𝘢𝘳𝘦𝘯𝘢 𝘴𝘺 𝘯𝘺 𝘍𝘪𝘵𝘢𝘯𝘢𝘯𝘢𝘮-𝘣𝘰𝘭𝘢, ny 𝘔𝘪𝘯𝘪𝘴𝘪𝘵𝘳𝘺 𝘯𝘺 𝘈𝘯𝘨𝘰𝘷𝘰 𝘴𝘺 𝘯𝘺 𝘈𝘬𝘰𝘳𝘢𝘯𝘢𝘧𝘰, ny 𝘎𝘰𝘷𝘦𝘳𝘯𝘰𝘳𝘢𝘯’𝘯𝘺 𝘉𝘢𝘯𝘬𝘺 𝘍𝘰𝘪𝘣𝘦𝘯’𝘪 𝘔𝘢𝘥𝘢𝘨𝘢𝘴𝘪𝘬𝘢𝘳𝘢 ary ny 𝘭𝘦𝘩𝘪𝘣𝘦𝘯’𝘯𝘺 𝘪𝘳𝘢𝘬𝘺 𝘯𝘺 𝘛𝘢𝘩𝘪𝘳𝘪𝘮-𝘣𝘰𝘭𝘢 𝘪𝘳𝘢𝘪𝘴𝘢𝘮-𝘱𝘪𝘳𝘦𝘯𝘦𝘯𝘢.

Fanaraha-maso ireo maso-tsivana napetraka tamin’ny desambra 2024 no natao nandritra ity fotoana ity ka nahazoana io 𝗦𝘁𝗮𝗳𝗳 𝗟𝗲𝘃𝗲𝗹 𝗔𝗴𝗿𝗲𝗲𝗺𝗲𝗻𝘁 io ary ny fandefasana ireo antontan-taratasy any amin’ny Filankevim-pitantanan’ny Tahirim-bola iraisam-pirenena sisa no andrasana.

Misy karazany telo ireo antotan-taratasy ireo. Eo amin’ny sehatry ny tontolo iainana dia ny namoahana Didim-panjakana miisa 02 (𝗮) 𝗙𝗮𝗺𝗲𝘁𝗿𝗮𝗵𝗮𝗻𝗮 𝗻𝘆 𝗸𝗼𝗺𝗶𝘁𝘆 𝗶𝗿𝗮𝗶𝘀𝗮𝗻’𝗶𝗿𝗲𝗼 𝗠𝗶𝗻𝗶𝘀𝗶𝘁𝗲𝗿𝗮 𝗿𝗲𝗵𝗲𝘁𝗿𝗮 𝗺𝗮𝗻𝗱𝗿𝗮𝗳𝗶𝘁𝗿𝗮 𝗻𝘆 𝗴𝗼𝘃𝗲𝗿𝗻𝗲𝗺𝗮𝗻𝘁𝗮 (𝗖𝗜𝗠𝗘) 𝗺𝗼𝗺𝗯𝗮𝗻’𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 izay 𝘁𝗮𝗿𝗶𝗵𝗮𝗻’𝗔𝗻𝗱𝗿𝗶𝗮𝗺𝗮𝘁𝗼𝗮 𝗣𝗿𝗮𝗺𝗶𝗻𝗶𝘀𝗶𝘁𝗿𝗮 sy ny (𝗯) 𝗗𝗶𝗱𝗶𝗺-𝗽𝗮𝗻𝗷𝗮𝗸𝗮𝗻𝗮 𝗠𝗘𝗖𝗜𝗘.

Marihana moa fa efa roa taona izao tsy nisy izao fankatoavana avy hatrany ny fitsirahana izao ka izao no porofo fa miara-miasa tsara ny fitondram-panjakana sy ny Tahirim-bola Iraisam-pirenena (FMI).