🌐👥🇲🇬 𝗦𝗽𝗿𝗶𝗻𝗴 𝗠𝗲𝗲𝘁𝗶𝗻𝗴𝘀 : 𝗳𝗶𝘃𝗼𝗿𝗶𝗮𝗻𝗮 𝗺𝗮𝗵𝗮𝗸𝗮𝘀𝗶𝗸𝗮 𝗻𝘆 𝗳𝗮𝗺𝗽𝗶𝗿𝗼𝗯𝗼𝗿𝗼𝗯𝗼𝗮𝗻𝗮 𝗻𝘆 𝗳𝗶𝘀𝗶𝘁𝗿𝗮𝗵𝗮𝗻𝗮 𝗮𝗻𝗴𝗼𝘃𝗼 𝗲𝘁𝗼 𝗔𝗳𝗿𝗶𝗸𝗮.

Washington DC, 21 Aprily 2025

Fivoriana fahatelo natrehan’ny delegasiona Malagasy ity fihaonana ity izay niarahana tamin’ny vondron’ny Afrique II ao amin’ny Banky Iraisam-pirenena ary mitondra ny lohahevitra :  » 𝘧𝘢𝘯𝘢𝘭𝘢𝘭𝘢𝘩𝘢𝘯𝘢 𝘯𝘺 𝘧𝘪𝘴𝘪𝘵𝘳𝘢𝘩𝘢𝘯𝘢 𝘢𝘯𝘨𝘰𝘷𝘰 𝘦𝘵𝘰 𝘈𝘧𝘳𝘪𝘬𝘢 – 𝘌𝘭𝘢𝘳𝘨𝘪𝘳 𝘭’𝘢𝘤𝘤è𝘴 𝘢 𝘭’𝘦𝘯𝘦𝘳𝘨𝘪𝘦 𝘦𝘯 𝘈𝘧𝘳𝘪𝘲𝘶𝘦. « 

Samy nanaiky ireo rehetra nivory fa mbola ambany dia ambany ny tahan’ny mponina misitraka herinaratra raha ny eto Afrika no jerena.

__ Koa tsy maintsy miara-miasa ny firenena tsirairay ahafahana mampiakatra haingana io taha io, ary isan’izany ny tetikasa « 𝗠𝗶𝘀𝘀𝗶𝗼𝗻 𝟯𝟬𝟬 ». Nisy noho izany ny fifampizarana sy fifanakalozana mahakasika ny traikefan’ireo firenena izay nandray fitenenena amin’ny fanatanterahana ireo tetikasany izay efa vita na andalam-pahavitana.

Raha ho an’i Madagasikara manokana dia ny tetikasa Volobe sy Sahofika no tafiditra anatin’ity farany, izay hampisitraka herinaratra faritra maro eto an-toerana.

Laharam-pahamehana napetraky ny Filoha ihany koa izany satria andry iray iankinan’ny fampandrosoana ny fanana angovo ara-dalàna raha tsy hiteny afa-tsy ny fananganana orinasa izay hiteraka famoronana asa vaovao ary fanatsaràna ny farim-piainan’ny mponina.

Marihana moa fa tao anatin’izay rehetra izay dia nisy hatrany ny famporisihana ny rehetra amin’ny fampiasana ny angovo azo havaozina.